غرام الافاعي

طول عمري باامن ان حب الوطن غالي وان الواحد لو اشتغل عميل من اجل بلده في اسرائيل

ولو اسرائيل عرفت حقيقتي عمري ما اعترف علي بلدي بس لو جابوا لي تعبان وهددوني بيه وحياتكوا عندي

لاخون البلد باللي فيها واحتمال اشتغل مع اسرائيل
**********************************
التعابين دي اكتر حاجه بخاف بجد منها في الدنيا وممكن اعمل اللي ميتعملش عشان
متعرضش لموقف اني اشوفه من بعيد
****************************
ممكن اسميها فوبيا وفي نفس الوقت بحب اشوفها بس طبعا
وهي محبوسه في قفص فولاذي يعني بترعب منها وبحبها معرفش ازاي
ببقي مزهول من الناس اللي بتربي تعابين في البيت لالا لا لا
ازاي ده؟؟؟؟؟؟
******************************
وبرده بعشق افلام الاناكوندا بكل اجزائها واي مقطع عن التعابين
***********************************
ربنا ما يكتب عليا برؤيه تعبان وجهه لوجهه بدون حواجز
يالهووووووووووووي لو الواحد صحي من النوم ولقي في حضنه افعي
ولا لقي افعي في جيب الجاكت لا بلاش كفايه تصوارات مرعبه
********************************
طب واتعذب انا لوحدي ليه طب خدوا شويه الصور الرومانسيه دي عشان
تعرفوا انا بتعذب ازاي
اهو هو ده بقي غرام الافاعي بحبها وبخاف اشوفها








انت بتعمل ايه حرااااااااااااااام والنبي مانا دي اختي مني





ضميني حسسني بوجودك









نفسي اعرف الناس بتخاف مني ليه؟؟؟؟

يااااااااااااااااااااه من زمان مقعدتش في مكان رومانسي لوحدي
وحشتيني يا الفت

قال ميلودي قال

اعلانات الجرائد المصريه
هي اعلانات تضحك
بس طبعا تدل فعلا علي بساطه الحياه القديمه

البوست ده انا نشرته زمان بس دلوقت نشرته تاني عشان اللي

مشفش الصور الجامده دي يشوفها تاني

الواحد حس إن الموضوع كبير ...ايها المصريون..

..و في الآخر صابون حمام الهنا!!!!!

والله مافي ارخص من النظافه

بس اللي يسمع!

نتقابلوا ونطلعوها كلنا اوك ؟!

والنبي لو شافوكي في فرح دلوقت هيرموكي بالطوب

شوف سعرها كان كام!!!...تحس كدا إنه هيبوس إيدك عشان تشتريها !!!!!!!!!

باذن الله ده هيكون اول شعار في كافتيريا حاسبات المستحيله

طعمه لذيذ !!!

ده اللى هو مضاد حيوي دلوقتي !

يا ترى إسماعيل ياسين أخد كام عشان يحطوا صورة وشه في الإعلان!!!

شكله اخد 2 حاجه ساقعه واستكفى بيهم !

يريت في واحد زيه دلوقت في بساطه وعفويته

دلوقت الواحد فيهم محدش قادره

بس مش كلهم طبعا

حلوه فكره ان الراجل اللي علي الاعلان

شعره لونين اهه تنوع برده

بس برده مفيش احسن من بساطه زمان

حلوة القومية دي!!حتى في السجاير!!

حلوه فهي منكم ولكم دي ههههههههههه

تقريبا ده بتاع حشرات مش قشرة !!!!

علي فكره التسريحه بتاعتك شيك جدااااا

يريت في زيه دلوقت بالمواصفات دي

بس طبعا يكون بسعر زمان!!!!!!

طبعا فيلم ليلى معروف...و إلي هو أول فيلم مصري يكون فيه صوت مش فيلم صامت!!

اخدتم بالكم من مكيفه الهواء؟؟؟؟؟؟

عكاوي راح سويسرا و جاب ساعات معاه!!!

المهم إن التليفون تحت 5 ارقام...و فعلا زمان كان كله كدابس مافيش فاكس

!!هههههههههههه

طب لو لبستها كل شويه هغسل ايدي من الريحه

بتاعه العكاوي دي ولا ايه؟؟؟

*******************************************************

أتمنى الصور تعجبكم و طبعا دا تاريخ و عيب أسخر منه.

.....و فعلا زمان الحياة كانت بسيطة جداو اكيد الأجيال

إلي جايه تضحك علينا إحنا كمان..

.و يقولولنا يا بتوع إعلانات ميلودي!!!!!!!

حدش يقولي انا مين؟؟

محدش ينكر ان كلنا بنخاف وانا عن نفسي بخاف من ان الموت ياخد حد بحبه ,بخاف من اللي جااي,

بخاف من الحب اوووي,وطبعا بخاف اتجوز واحده مش بحبها,

و بخاف من الفشل وان كنت حاسس بيه,واللي بخاف منه اكتر هي نفسي

اصلها ممكن تبهدلني اووووي تعرفوا ليه؟

كتير لما حد بيسالني عن مشكله معينه بجاوب بطريقه مثاليه جدااااا

بس ده اكيد عشان معشتش الموقف

والاخطر من كده ان اللي قدامك بيحكم عليك من خلال ارائك

تصوروا لو انا بقي علي النقيض ,ولما يجي الموقف اللي يثبت شخصيتك

تلاقيك بقيت ضعيف وجبان

فعلا انا خايف اكون الانسان ده وخايف برده اننا ككل نكون كده

نكون الناس اللي بتتكلم بعقلانيه وفي الاخر تلاقيهم غير كده خااااالص

زي لو واحد سالني عن التحكم في الذات طبعا هقول بطريقه مثاليه لا انت لازم تتحكم في

نفسك ومتسبش نفسك كده للشيطان

وانا اصلا من ضمن عيوبي الللي بعترف بيها اني مش بمسك نفسي

في الحالات دي ,لا وكمان ايه؟ رد فعلي بيكون جامد وبطلع غلطان في الاخر واكيد بعديها بروح اعتذر

ويا سلام لو حد يسالني عن السجاير اقول لا والف لا عشان كذا وكذا والخخخخخخخ

علي الرغم اني ممكن يجي اليوم اللي ممكن ادخن فيه او ممكن مدخنش

والاهم من كده اني بقول رايئ عن الحكام السلبين واننا لازم ناخد موقف وكده واللي انتم عرفينه بقي

وانا اصلا سلبي في الموضوع ده ومش بعمل حاجه فعليه تخلي موقفي ايجابي نوعا ما

حد بقي يقولي ده يبقي ايه؟
اوعوا تكون عندكم نفس المشكله :D

ساعه الحظ متتعوضش

ههههههههههههههه هو في ايه ؟؟؟؟


.


انا جييييييييييييييييت...... بعد غياب مش طويل اوووي

ربنا ما يكتب عليكم انقطاع النت ابدااااااااااااااا

طبعا اللي متابعينيا من الاول عارفين البوست بتاع (اوعي القطر)

ده اللينك لو عيزين تعرفوا رحله العذاب

http://ilovingcima.blogspot.com/2009/09/blog-post_14.html

اللي خلي مصر قامت ومقعدتش وبناءا علي كده قامت الحكومه المصونه

باستجواب وزير النقل والمواصلات

وبناءا عليه جاءت المفاجاه

واقول تاني ركبت القطر من كوم حماده المتجه الي رمسيس

وهنا المفاجاه المره دي من غير هذار

لاول مره الاقي شبابيك القطر فيها زجاج وكل العربيا ت منوره

والكراسي نظيفه لا وايه كمان الكمثري بيحترمني تصدقوا دي؟.

ولاول مره اقعد انا وصحبي في مربع لوحدينا

ولاول مره مبصش في الساعه عشان اعرف باقي قد ايه


بجد كانت حاجه كويسه بس طبعا
مكنش زي اعلان قطر اهل مصري اللي اقطع

دراعي لو مكنش متصور في استد يو


.

حادث قطار العياط بين الخطأ البشرى

وخطأ الجاموسة

ياااااااااااااااااادي المصيبه ايه ده؟؟؟؟


وبعد كده عرفت ان القطر ده جاء الخط بتاعنا غلط

ونعتذر للساده الراكبين وتلك الغلطه لن تتكرر مره اخررررري

اهي دي بقي كانت ساعه الحظ اللي عمرها ما هتتعوض تاني

قولولي اعمل ايه شفتم بنتعب ازاي عشان نتعلم وبرده مش عاجب

المصيبه ان مفيش ميكروباصات من كوم حماده لرمسيس

وعشان تركب ميكروباص لازم تلف حولبين نفسك :D

طبعا اوعوا تفهمنوي غلط انا ميهمنيش الفلوس :D

ولا يهمني اني اصرف 50 ج عشان استريح :D

اصلي بحب المرمطه اللي في القطر :D

علي الاقل اوفر :D

بتغاظ انا اوووي من نفسي لما كنت بحلم ايام الثانويه اني

ادخل الكليه واركب القطر وابقي راجل مهم وراه مواعيد

دا انا كنت اهطل بشكل :D