القاهره نيويورك

القاهره نيويورك

















لازم تشوف المقطع ده


القاهره نيويورك

المره دي هستعين باسم فيلم المخرج العظيم الراحل

يوسف شاهين بس بعد تعديل

بسيط من اسكندريه نيويورك للقاهره نيويورك


المره دي انا الحمد لله متفائل اصلي بحب قوي اشوف عيوبي والحمد لله اكتشفت واحد

وبحاول انا اشيله من جذوره ,من غير ما تسالوا انا قصدي الجهل


كانوا زمان وانا في الثانويه اي حد يقول القريه الذكيه كنت اقول دايما بغبائي دي قريه سياحيه


والسلام,متضحكوش داانا مطلعتش انا لوحدي اللي كده دا كتير من الشعب الحمد لله غاسل

دماغه بصنيه بطاطس قبل النوم


ولما رحت الكليه بدات اعرف ان هي مثلا مدينه لتكنولوجيا المعلومات ومتطوره وخلاص

بس لما فكروا طبعا انهم يعملوا رحله للقريه الذكيه قلت اروح اصل بيني وبينكم كانت بعشره


جنيه طبعا غير الكانزيعني هتتفسح ببلاش بس قلت اروح اهو افك من خنقه الكليه

,وبرده اهرب من المدينه الجامعيه


بس الصراحه اول مره اعرف ان الكليه بتاعتنا ليها في الكدب اصلهم قالوا انهم هيودونا


حته في مصر لقينا نفسينا فجاه رحنا نيويورك او باريس فعلا

والله انا مش مصدق ان المكان ده في مصر بقي معقول بلد

فيها قطر المناشي وطبعا الملوخيه المسقطه يكون فيها حاجه

كده زي القريه دي انا فعلا مكنتش متصور ان مصر في حاجه زي دي


وفعلا برده مكنتش اعرف ايه هيا القريه الذكيه دي خالص ؟الصراحه راحه


فجاه حسيت اني بجد مش في مصر والله انا مش ببالغ ساعتها عقلي


حطني في مكان تاني خالص غير بلدنا والصور اللي قبل الموضوع مش كدابه


خالص بالعكس وهناك طبعا راحت صنيه البطاطس اللي كنت اكلتها وعرفت


اننا فعلا عندنا حاجات حلوه
مكنتش برده مصدق انها انشات عام 2001 ومعرفش حاجه عنها ل2009


يا سلاااااااااااام شفتوا حد كده؟بس اعتقد 8 سنين مش كتير برده مدام موصلتش


لعشر سنين يبقي لسه في فرصه اعرف

وهناك عرفت انها تجمع لشركات الاتصالات وتكنولوجيا المعلومات والمؤسسات الحكوميه


انا بس لواتكلمت عن شكل المكان والمناظر الجميله عايز اعمل منتدي مخصوص


مش مدونه غلبانه وزهلت من مساحه الارض الخضره هناك كتير جدا مساحتها


تصل 90% والباقي مباني و10% دول 100 مقر شركه,,,, لاوايه كمان؟


عرفت انها وفرت لحد دلوقت 12.000 فرصه عمل للمصريين وهتكون موطناً لأكثر من

36 ألف موظف وخبير لما تكتمل


اعتقد ان 12.000 فرصه عمل للمصريين كفايه اوووي اني مكملش كلام

وكفايه لاني اقول ده مشروع جاء في وقته



وهناك برده عرفت ان يمكن للشركات التأجير أو البناء في المشروع


ولكن يجب مراعاة التوافق مع التصميم المعماري للقرية


وهناك شفنا برده شركات كلنا عارفينها زيي فوادفون العالميه وطبعا حبيبيتي اللي اول ماشفاوني


هناك قالوا
لازم تشتغل معانا طبعا قصدي ميكروسوفت


اصلهم بيقدروا الكوادر الفنيه احم احم


وطبعا مبني شركه اكسيد وهي واحده من شركات خدمه العملاء ومراكز الاتصالات

وعرفت برده انها أولى القرى التكنولوجية المتكاملة و أولى تجمعات للشركات فى مصر.


بقي معقول ده في مصر ومعقول انا شفت الحاجات دي؟



بجد دي والله حاجه تشرف وتخلينا نفرح يريت اروح تاني نيويورك قصدي
القريه الذكيه

استنوا بقي عشان انا عهمل لكم اني الواد المثقف المطلع


جاء في تقرير بقلم المحللة الإنجليزية كارين ماري تنشره مجلة

.....ميد... الإنجليزية اليوم، أن مشروع

القرية الذكية ينطوي على أهمية استراتيجية كبرى في مصر بعد

أن قررت هذه الدولة ذات النمو

السريع أن يكون لتكنولوجيا المعلومات والاتصالات موقع الأولوية في

خططها التطورية الراهنة

لو جيت وقلت سلبيات المشروع ده:


طبعا هقول ان السلبيات فينا احنا مش في الشروع


او تكرمتم وشوفتمم الفيديو هتعرفوا انا قصدي ايه؟
هتسمعوا اللي بيقول انها قاعه افراح
هتسمعوا برده اللي بيقول انه نزل الميه فيها وان
الميه فيها اخضر واحمر وبنفسجي


بس لو نبطل اننا ناكل طبيخ قبل ما اننا ننام ؟


يريت قبل ما الواحد يقول احنا عيزين ايه المفروض نعرف مطلوب

مننا ايه؟
اصل احنا فينا عيب حلو اووي ربنا ياخده باذن الله اننا مش بنشوف


عيبونا وبنرمي فشلنا علي شماعه طنط حكومه وان كانت الحكومه

طبعا عايزه مبيد حشري يخلص عليها من الاخر

ومفيش واحد فينا عايز يقول ان هو غلطان قصدي يقول ان هو هربان
شوف كام واحد بيتخرج من كليه الحاسبات والمغلومات كل سنه؟

شوفتم برده كام فاشل بيتخرج من كليه الحاسبات والمعلومات كل سنه؟

قبل ما نسال احنا عايزين ايه اعمل اللي المفروض يتعمل وبطل تاكل
طبيخ قبل ما تنام

طبعا انا بوجهه الكلام ده لنفسي الف الف الف

مره قبل ما اني اقوله لاي حد
تعرفوا اكتر حاجه عجبتني هناك ؟

هي حاجه ملهاش علاقه بالموضوع


هناك كان في حضانه والمفروض اللي شفتهم

هناك دول اطفال بس دول حاجه كده شبه البسكويت الاطفال هناك اللي شعره اصفر و


اللي عينه زرقه انا ساعتها شكيت انهم مستوردين الاطفال دي حاجه كده شبه الديكور


اطفال زي الكتاب ما بيقول,انا لو عندي واحد منهم يا سلام بس هيجي منين
لازم يكون شبه ابوه



باذن الله كل بوست هسال سؤال ساهل جدا انا اتسالته

قبل كده وطبعا هنتظر اجابتكم المنطقيه

س1/هل تؤمن بوجود الحوريات ؟؟

؟س2/هل تؤمن بوجود مخلوقات على كواكب اخرى بعيدة عنا ؟؟؟

س3/هل تؤمن بأن الفيزياء يمكن ان تتطور لدرجة انه يمكن تحويل الانسان الى موجة

ونقله الى اي مكان او مدينة يريدها في لحظات ؟؟؟