حدش يقولي انا مين؟؟

محدش ينكر ان كلنا بنخاف وانا عن نفسي بخاف من ان الموت ياخد حد بحبه ,بخاف من اللي جااي,

بخاف من الحب اوووي,وطبعا بخاف اتجوز واحده مش بحبها,

و بخاف من الفشل وان كنت حاسس بيه,واللي بخاف منه اكتر هي نفسي

اصلها ممكن تبهدلني اووووي تعرفوا ليه؟

كتير لما حد بيسالني عن مشكله معينه بجاوب بطريقه مثاليه جدااااا

بس ده اكيد عشان معشتش الموقف

والاخطر من كده ان اللي قدامك بيحكم عليك من خلال ارائك

تصوروا لو انا بقي علي النقيض ,ولما يجي الموقف اللي يثبت شخصيتك

تلاقيك بقيت ضعيف وجبان

فعلا انا خايف اكون الانسان ده وخايف برده اننا ككل نكون كده

نكون الناس اللي بتتكلم بعقلانيه وفي الاخر تلاقيهم غير كده خااااالص

زي لو واحد سالني عن التحكم في الذات طبعا هقول بطريقه مثاليه لا انت لازم تتحكم في

نفسك ومتسبش نفسك كده للشيطان

وانا اصلا من ضمن عيوبي الللي بعترف بيها اني مش بمسك نفسي

في الحالات دي ,لا وكمان ايه؟ رد فعلي بيكون جامد وبطلع غلطان في الاخر واكيد بعديها بروح اعتذر

ويا سلام لو حد يسالني عن السجاير اقول لا والف لا عشان كذا وكذا والخخخخخخخ

علي الرغم اني ممكن يجي اليوم اللي ممكن ادخن فيه او ممكن مدخنش

والاهم من كده اني بقول رايئ عن الحكام السلبين واننا لازم ناخد موقف وكده واللي انتم عرفينه بقي

وانا اصلا سلبي في الموضوع ده ومش بعمل حاجه فعليه تخلي موقفي ايجابي نوعا ما

حد بقي يقولي ده يبقي ايه؟
اوعوا تكون عندكم نفس المشكله :D

ساعه الحظ متتعوضش

ههههههههههههههه هو في ايه ؟؟؟؟


.


انا جييييييييييييييييت...... بعد غياب مش طويل اوووي

ربنا ما يكتب عليكم انقطاع النت ابدااااااااااااااا

طبعا اللي متابعينيا من الاول عارفين البوست بتاع (اوعي القطر)

ده اللينك لو عيزين تعرفوا رحله العذاب

http://ilovingcima.blogspot.com/2009/09/blog-post_14.html

اللي خلي مصر قامت ومقعدتش وبناءا علي كده قامت الحكومه المصونه

باستجواب وزير النقل والمواصلات

وبناءا عليه جاءت المفاجاه

واقول تاني ركبت القطر من كوم حماده المتجه الي رمسيس

وهنا المفاجاه المره دي من غير هذار

لاول مره الاقي شبابيك القطر فيها زجاج وكل العربيا ت منوره

والكراسي نظيفه لا وايه كمان الكمثري بيحترمني تصدقوا دي؟.

ولاول مره اقعد انا وصحبي في مربع لوحدينا

ولاول مره مبصش في الساعه عشان اعرف باقي قد ايه


بجد كانت حاجه كويسه بس طبعا
مكنش زي اعلان قطر اهل مصري اللي اقطع

دراعي لو مكنش متصور في استد يو


.

حادث قطار العياط بين الخطأ البشرى

وخطأ الجاموسة

ياااااااااااااااااادي المصيبه ايه ده؟؟؟؟


وبعد كده عرفت ان القطر ده جاء الخط بتاعنا غلط

ونعتذر للساده الراكبين وتلك الغلطه لن تتكرر مره اخررررري

اهي دي بقي كانت ساعه الحظ اللي عمرها ما هتتعوض تاني

قولولي اعمل ايه شفتم بنتعب ازاي عشان نتعلم وبرده مش عاجب

المصيبه ان مفيش ميكروباصات من كوم حماده لرمسيس

وعشان تركب ميكروباص لازم تلف حولبين نفسك :D

طبعا اوعوا تفهمنوي غلط انا ميهمنيش الفلوس :D

ولا يهمني اني اصرف 50 ج عشان استريح :D

اصلي بحب المرمطه اللي في القطر :D

علي الاقل اوفر :D

بتغاظ انا اوووي من نفسي لما كنت بحلم ايام الثانويه اني

ادخل الكليه واركب القطر وابقي راجل مهم وراه مواعيد

دا انا كنت اهطل بشكل :D

مليش في الكوررررره

والله كنت ناوي اني مخليش اي بوست عندي طويل عشان محدش يمل مني ...

بس تعملوا ايه لواحد رغاااااي .....عادتي ولا هشتريها؟؟؟

ماليش في الكوره ...تصدقوا دي حاجه بايخه جدااااااااا وبتعرضني لمواقف ابوخ برده جداا
يعني الماتش كام كام يا كابتن؟؟؟

احم احم نعم؟

معلش اصل انا مليش في المكوره
تلاقى اللي بيسالني بص لي من تحت لتحت وكانه بيقولي في نفسه ايه الواد المايع ده امال راجل ازاي؟

بيحسسني اني واقف قدامه بلبانه والسلسله في رقبتي من نظرته ليا

وياسلام بقي لو حبيت اعرف مصر عملت ايه في الماتش اللي فات

يريت اللي يجاوبني يجاوبني ويسكت لا طبعا

ده لازم يدخل معايا في حوار طويل عريض وانا طبعا ساكت زي ما يكون القطه اكلت لساني

اشي ابو تركه ضيع انفراض ميتعوضتش واشي التسلل ده غبي حوارت تانيه انا مليش فيها خالص

يادي الوقعه البيضه

مش بينقذني من الموقف ده غير ان يكون معايا واحد صحبي طبعا بغمز لصحبي عشان يدور تلك المعركه الكرويه طبعا
وصحبي فطسان علي نفسه من الضحك عليا ده غير وشي اللي بيتقلب الوان الطيف

بس صراحه لما بلاقي ماتش للمنتخب بتاعنا لازم اعرف احنا عملنا ايه بس طبعا لازم اعرف من واحد صحبي عارف ااني
مش مثقف في الكوره عشان الاحراج

طب ليه مش بحب الكوره بلاش احكي الحكايه اصل الحكايه طويله اووووووي

طب هي الكوره حرام؟؟؟؟؟
حرام ايه دي رياضه
بس اللي احنا بنعمله ده والله اللي حرام ومحدش يرضي بيه

طبعا كويس ان الواحد يكون رياضي ويحب الرياضه ويحب الكوره وايه يعني الضرر في ده؟
طبعا الكوره حلوه والسينما بالنسبه لي احلي بس في اولويات غير دي لازم اننا ناخد بالنا منها

خلونا في الماتش اللي انتهي بخساره مصر وده طبعا والحمد لله ان ده حصل

الا الموضوع يتقلب صهاينه العرب وفلسطين
وتبتدي الانتفاضه العربيه الجزائريه
والا كنا قولنا الله يرحم المصريين اللي الجزائر
وكانت قامت حرب بينا وبين الجزائر بس احنا اللي كا هننتصرباذن الله
هو ليه الوضع اتقلب كده وزاد عن حده وبقينا في حرب؟؟؟؟

اشي السكاكين تترفع في وش بعض واشي الاتهامات الزور

فكرتوني لما الرئيس صدام اتشنق اول ايام عيد الاضحي طبعا كان خروف المسلمين

ويا سلام لما كل العرب مسلمبن ومسيحين قاموا وثاروا واحتجوا وقاطعوا وعارضوا وحاربوا كمان فعلا وقفات جامده

ولا لما الرئيس عرفات كان محبوس في بيته ومات برده وهو محبوس

يا سلام لما العرب قاموا كلهم كده وثاروا واحتجوا وقاطعوا وعارضوا وحاربوا كمان

لحد ما خدنا حقنا

ويا سلام لما مجزره غزه حصلت دي بقي اللي عملنا فيها العمايل كل العرب مسلمبن ومسيحين قاموا وثاروا

واحتجوا وقاطعوا وعارضوا وحاربوا كمان والعرب كلهم راحوا فلسطين وادينا لليهود علقه موووت

وطلعناهم من فلسطين
ولا لما عباره السلام غرقت ولاقصر الثقافه في بني سويف ولع علي اللي فيه
ايه ايه ده انتم هتصدقوا ولا ايه؟
صحوا النوم دي مش مسلسل تاريخي
والله حاجه تحرق الدم لما نكتشف اصلا ان مفيش حاجه اسمها عروبه ولا بلدك التاني ولااي حاجه اصلا

لما كانت اللعبه قلبت جد ده ايه الكرهه والسواد ده كله؟؟؟وبنزعل اوووي لما الغرب يقولوا علينا ارهاب وهمج

طب لما يشوفوا الجزائر بيحاربوا المصرين في فرنسا وغيرها عايزين يقولوا ايه عنا؟

انت اصلا لو شفت حد بيعمل كده هتلعنه وهتلعن اهلله

وبنقول للغرب شوفونا صح وافهمونا لا يريت ميفهموناش احسن لنا

انتظروا ان شاء الله الحرب علي اسرائيل من العرب يوم التلات بعد صلاه الجمعه

كلنا هنروح باذن الله نطلع اليهود بره ارضنا وبعد كده نطلع علي بيت من بيوت العرب

ناكل هناك فطير مشلتت وعسل ازرق

طبعا انا مش هتكلم عن اللي حصل من الاخوه الاحباء الجزائر اكتر من كده عن اللي عملوه فينا

وفي نفسيهم وفي العرب ما كلكم عارفين وشايفين ماخلاص رفعنا السكاكين في وش بعض

انتظرينا يا غزه

والله لو الثوره اللي حصلت دي كانت حصلت في وش اليهود

كان العالم كله عملوا لينا حساب الكبير قبل الصغير ومكناش نبقي رخاص كده
بس احنا اللي رخصنا نفسينا
حاجه صغيره احب اقولها
لما الجزائر اتغلبت طلعت السواد اللي جواها ولما احنا اتغلبنا قلنا قدر الله وما شاء فعل
هو ده الفرق

وبنزعل اووي لما يقولوا علينا ارهاب

ممكن نتعرف؟ .....لا مش ممكن

تكمله للبوست اللي قبل اللي فات واللي انا عارف اني اتاخرت كتير في الرد

معلش بقي ازمه امتحانات ......

في البوست بتاع ...هاي ممكن نتعرف؟.....انا مردتش علي التعليقات

لاني معنديش رد اقوله بعد اراء الناس دي

يريت الكاريكتير يعجبكم

اندلسيه:

سلام عليكم

موضوع الشات ده من كتر الكلام اللى فى دماغى عنه مش عارفه اكتب

بس عموما والله لو كل حد دخل الشات حط فى دماغه جملة وحده وهى

ان الله شاهدى الله ناظرى الله مطلع علي

اكيد المؤكد انه مش راح يعمل حاجة يندم عليها

فضلا ان كل واحد فى النهاية بيتعامل باخلاقه

بس بجد دخول الشات بيبقى فضول مش اكتر

مجرد تعرف حاجة غريبة عليك

وبعد كده الفضول ده بيروح لحاله

واتحدى ان كان فيه حد محترم يقدر يدخل الروم بتاع الشات اكتر من شهر اقصاااه

والجواب ديما باين من عنوانه يعنى اللى بيبتدى الشات معاك ويقول سلام عليكم غييييييييييييير

اللى بيقول ممكن نتعرف ياجميل وخلافه




وفى اللحظة دى انت فى ايدك القرار

زى بالظبط الدنيا معاك الوحش والحلو وانت فى ايدك القرار

وفى النهاية هو موضوع وقتى ولا يدووم وتحدى


سلام عليكم

joudy:

تعرف ان الشاتنج مش مقتصر على الرومز بس لا ده فى مواقع تانية


للتعارف بس أنا ليا أصدقاء مدمنين المواقع دى ولما أسألهم ليه يقولولى بنتعرف على ناس

جديدة وبنعرف

ازاى كل واحد بيفكر جانى فضول إنى أدخل وأشوف ايه الحكاية بصراحة مش عجبنى

الوضع تماما فى

المرة الأولى عادى والتانية لكن التالتة كانت الأخيرة وبعدها حذفت حسابى نهائى واكتفيت بأصحابى اللى


أعرفهم كويس ويعرفونى وكرأى الشات ده عيوبه أكتر بكتيييييييير من مميزاته فقلته أحسن

ريمان:

بصراحه الشات ضرره اكتر من نفعه


ولو لاحظنا هنلاقى ان الشات مليان بمستويات ناس معينه كده الله يهديهم

وداخلين عشان حاجات معينه

وللاسف هما كتير وهما اللى بيكرهوا حتى الناس الكويسه انها تدخل غرف الدردشه دى

سجود:

السلام عليكم

انا الحمد لله مش دخلت الشات ده الا مرتين او تلاته بالكتير اوي

اول مره حب استطلاع والباقي كنت داخله مع اصحابي نتكلم جوه وبرده كان حب ستطلاع

بس جميل اوي التشبيه بتاع 10 كوبيات

فعلا نفس الشبه

وجزاكم الله خير

michel:

موافقك جدا في الرأي

أضف إلى ذلك أن الليس بيتعود ع الشات بتتكون عنده رغبة إنعزالية

عن العالم الواقعي لانه بيكون تعود على عالم الألياف الضوئية

حنان سعيد:

انا سعيده اني اتعرفت على مدونتك

واكيد عندك حق في كل كلامك

انا الحمد لله عمري مادخلت غرف شات دي ابدا

وكل البنات الي ضفتهم كان في سابق تعارف ما غير الشات

وببصراحه الماسنجرات حتى بتجبلي اكتئاب 90% من وقتي مش بفتحهم خااااااالص

تخياتي لمواضيعك الهادفه