ايه ده هو النت فصل؟ طب اعمل ايه ؟ طب اروح لصحابي؟ طب وهو حد يروح
لصحابه الساعه 4 الفجر ؟يااااااااادي الملل
وبعد الحوار النفسي الممل ده قررت اني ادخل المطبخ واضيع الفراغ اللي عندي ويريتني
مادخلت اصلي ملقيتش اللي انا عايزه
مش ده موضوعنا خلاص انا هعمل حاجه تانيه متعود اعملها هقعد مع انفسي وافكر في اي حاجه
والسلام............
افتكرت موقف حلو اووي حصل لي قبل العيد
من مده صغيره قبل العيد علي طول حصلت لي حاجه مش عارف هتقولوا عليها ايه
غريبه ولا حاجه هبله ,عارفين ايه هيا الحاجه دي؟ خلاص خلاص هقول ,كنت في
اسكندريه راكب الميكروباص من ميامي للمنشيه عشان من هناك اركب ميكروباص
للموقف فقلت للسواق لو سمحت ابقي نزلني عند عربيات الموقف قالي ماشي,لحد كده
تمام طب هي فين الغريبه في كده كنت مستني يعني السواق يشتمني ولا ايه؟ لا طبعا بس انت
اصبر عليا وانا هكمل لقيت واحد جنبي محترم اكبر مني بحوالي عشر سنين بيقولي هو انت
نازل عند عربيات الموقف؟ قلت ليه ايوه,وخلص الحوار وبعد شويه لقيته بيبتسم ويقولي يلا
عشان ننزل قلت له هو انت رايح لعربيات الموقف قالي لا بس قالي انه هيركب من نفس المكان
قلت ماشي وجينا عشان نعدو الطريق المقابل عشان نروح للعربيات الي احنا عيزنهالقيته حاطط
ايده علي كتفي زي ميكون اخويا الكبير عشان يعديني الشارع
استغربت لحاله وبعدين رحنا عند المكان بتاع العربيات لقيته بنفسه واقف عشان يوقف لي
عربيه ساعتها هو وقف اكتر من 10 دقايق بيشاور علي عربيه ليا مش ليه ,ساعتها انا
استغربت الموقف اووووووووي
علي الرغم اني جيت الطريق ده الف مره قبل كده يعني مكنش باين عليا اني جاهل اوووي كده
ولما لقي عربيه للموقف لقيته فرح وابتسم وجري علي العربيه وبيفتح لي الباب وبيقولي
اتفضل وزي ميكون عايز يشيلني يحطني في في العربيه وكمان قفل الباب ورايا واخر كلمه
سمعتها منه توصل بالف الف سلامه ان شاء الله مكنش ناقص غير
يقولي رن عليا لما توصل البيت .. هو انا فعلا استغربت زوقه ده واستغربت ان لسه في
شباب جدع كده طبعا انا مش منهم خالص او ممكن كان عايز يكتسب ثواب في رمضان
بفضل جدعنته دي بس صراحه مش دا اللي همني ولا همني هو عمل كده ليه لاني
اتبسطت جدا من الموقف ده ,وكنت محتاج احس ان لسه الدنيا بخير يريت يحصل كل يوم
بس هو انا ليه مش بعمل كده ؟
علي فكره الموقف ده حلو بس مش كتير بيتكرر والنقيض بتاعه هو اللي طبعا بيتكرر
بعد الموقف ده ما حصل لي خلي دماغي تنفجر من الاسئله هي الناس بقت وحشه ولاحلوه؟
تفتكروا دي بشره خير ؟ وان زمان اللي اهالينا بيقولوا عليه ممكن يرجع؟
زمان؟ زمان ايه؟
بيقولوا ان زمان الناس كانوا مؤدبين ومحترمين اما دلوقت بيقولوا ربنا يحرقهم بجااز
هو ليه دلوقت لوانت ماشي في شارع غريب وقلت لحد سلام عليكم بيستغرب؟
هو ليه لو انت تهت هتلاقي الف واحد يدلك علي الطريق؟
هو ليه الاب بيشرب سجاير وبيقول لولاده اوعوا تعملوا كده؟
هو ليه البيت لو مش فيه راجل هيبق عليه الانظار ولازم اللي فيه ياخدوا بالهم من تصرفاتهم؟
هو ليه لو ولد حب يعاكس بنت وشاف راجل معاها بيلم في الدور ويكتم فمه وعينه؟
هو ليه الولد يرضي انه يتمشي ويتسلي مع البنات في حين انه عرف ان اخته بتعمل كده
هيقطعها قطيع؟
هي ليه في بنات بتتحجب وفي نفس الوقت بتلبس ضيق؟ طب ما تقلعي الحجاب
هو احنا لسه ملوك الجدعنه زي الحاجه نانسي ما بتقول ولا
ملوك السفاله والتحرش والاغتصاب؟
هي القدس هترجع امتي؟
هو ايه كلام الناس ده؟
هي الناس بتتكلم علي طول؟
هي الدنيا لسه بخير ولا لا؟
هو في امان في بلدنا ولا لا؟
هو ايه اللي جاء الاول البيضه ولا الفرخه؟
ليه بقي احنا بنسال السؤال ده؟حاجه غريبه
هو ايه اللي انا بقوله ده؟
هو انت لو لقيت بنت شابه او حتي طفل ناس بيخطفوهم في الشارع ومعاهم سلاح هتعمل ايه؟
معلش انا عارف ان البوست ده دمه تقيل جداااااااااا
بس هي دي حياتنا كلها متناقضات
وزي مالقيت اللي ساعدني من غير ما اطلب منه
برده بلاقي اللي بتخانق معاااااااه برده من غير ما اطلب
بس يريت تجاوبني علي السؤال الاخير
منتظر اجابتكم
