جد ابن خاله عمتك....... هيسيب علامه في بيتك؟
طبعا اكيد الاكيد انكم شفتم مسلسلات رمضان السنه دي
او حتي متابعين شويه كده من تحت لتحت
اه صحيح كويس انكم فكرتوني اصل مسلسل ماتخفوش ده عجبني اووووي
سبوني بقه اعمل فيها شجيع السيماااا
اصل كل شويه حد يقولي مدام اسم البلوج بحب السيما
ليه بتدخل في حاجات بعيده عن اسم البلوج؟؟؟؟
طبعا اللي منكم كان بيسمع المسلسل ده ممكن
يفهمني ,خليني احكي ليكم
كان يا مكان كان فيه واحد اسمه مكرم بدوي الكنداوي وده طبعا اعلامي
مشهور عقبال عندي وكان عامل برنامج اسمه ماتخفوش واللي
بيحارب الحركه الصهونيه الخ الخ الخ..................
المهم ان هو اتهدد انه لو لم يتخلي عن موقفه سوف يتم فضحه
بانه اصله يهودي وان جده اسمه كهين
شفتوا ازااااااااااي؟
وعمكم الحاج نور الشريف غاب 30 حلقه يلف يلف يلف يلف عشان
يحاول يخرج من الكارثه دي
طب تصور كده لو ابوك دخل عليك وقالك ان خال ابن عمه كان يهودي
طبعا ساعتها عفريت نبيله عبيد هيحضر من فيلم المراه والساطور واكياس
البلاستيك هتشتغل..........
ويا سلام بقي لو صحبك قالك ان ابوه كان يهودي من اسرائيل ساعتها
هيجي في بالك انه هو المسئول عن نكسه 67 باكملهااااا وحريق القاهره
وانقطاع كابلات الانترنت في مصر الخ الخ الخ..........
ويا سلام لو حصلت بينكم خناقه بعد كده طبعا هتفسر كل افعاله انه
واد اصله يهودي ابن ..... ده حتي لو كان ربنا انعم عليه بالاسلام دلوقت
ويا سلااااام بقي لو اكتشفت ان خال خطيبتك كان بيتاجر في المخدرات
بس تاااب وانااااب طبعا لا توبته ولا انابته هتهمك ساعتها طبعا
هتاكد انها كانت بتحط لك هيروين في الشاي اصل الصداع المتواصل
ده اكيد ليه سبب شفتوا ازاي؟ ده غير انك هتفضحها وهتقول انهم عيله
بتوع حشيش وخلافه وطبعا اول طلب هتطلبه اكيد الدباديب بتاعتك...........
طب انا فعلا لو اكتشفت ان جدي يهودي اسرائيلي هعمل ايه؟؟؟؟؟
قبل ما اجاوب مين فيكم يا شطار واثق انه سليل الحسب والنسب ؟؟؟
مين برده واثق انه سليل خالتك نفرتيتي وعمك توت عنخ امون
مين قالك انك الفرعون الصغير ؟؟؟
مش بعيد انك اصلك يهودي, او ان مراتك كانت بتبيع مخدرات في اشارات
المرور قبل انها ما تتوب خدوا بالكم من التوبه هاااااااااااه؟؟؟؟؟
بس اعتقد اني او اتعرضت لموقف زي اللي في المسلسل كده لن انكر اني مش
هزعل لان مفيش اي حد يتمني انه ميكونش اصله
عربي مصري مسلم بس لو هفكر صح لازم افهم ان مفيش حد عارف ايه
اصله يكفي اني دلوقت دلوقت دلوقت
مسلم ثم مصري ثم عربي ومش مشكله
بقي جدي او عم خال امي كان ايه؟؟؟؟؟؟؟؟؟؟؟؟؟
ويكفي اني مسلم مسلم مسلم
واوعوا تنسوا ان سيدنا عمرو بن العاص لما فتح مصر ساعتها هلت الوفود
من كل البلاد العربيه علي مصر واختلطت الانساب ومتعرفش انت اصلك مصري
او اي حاجه تانيه؟
انا قصدي من الرغي ده كله ان احنا مش في زمن ابوك او جدك كان ايه ؟
او جدك كان يهودي ولا مسلم ؟وانك اصلك مصري ولا حتي صومالي؟
كفايه انك دلوقت مسلم مسلم مسلم مسلم
وكفايه برده ان لو كان جدك يهودي فربنا هدي ابنه ودخل الاسلام
ثم ابنه ده انجبك انجب مسلم مسلم مسلم
وانا لو ربنا كرمني كده وكنت بدل من نور الشريف كنت هقول الحقيقه
ولو الناس تقبلت يبقي يستحقوا اني اضيع عمري عشانهم
ولو الناس رفضت كده يبقوا ميستهلوش اني اضيع ثانيه عشانهم
يريت تفهموا كلامي صح وفكرتي تكون وصلت
وفي نفس الوقت مش عيزين ننسي اللي بتعملوا الحركه الصهيونيه
في فلسطين في اخونا واخواتنا المسلمين ومش عيزكم تخلطوا الامور
ما بين كلامي وبين اتجاهات الحركه الصهيونيه
سؤالي الاخير
لو خطيبتك او خطيبك جاء في يوم وقالك ان ابوه او ابوها اصله يهودي اسرائيلي
بس الحمد لله اسلم,او انه ليه قريب في السجن لسبب ماا
يا تري هتقبل بيه او بيها شريك لحياتك و ام او اب لاطفالك؟ ؟؟؟؟
