اوعي القطر

اوعي القطر

قطار المناشي المتجه الي كوم حماده

قطار القاهره اسكندريه

كل اصحابنا بيحسدونا لااننا بنستخدم القطار اثناء السفر

اقولكم ايه ولا ايه عمار يا مصر,بننزل انا وصحبي( شعت)

والمفروض اننا نركب اما قطر القاهره اسكندريه او القاهره ايتاي

فمن ده لده يا قلبي لا تحزن ,اعتقد ان القطارات عندنا في مصر هي الميزه الوحيده وده اللي

بيكرهني قصدي بيحببني في امي مصر,اول مابدخل المحطه انا وشعت صحبي بنحس اننا في

دنيا تانيه بنحس بالامان والتقدم والحضاره يا سلام هقولكم ايه ولا ايه بس عمار يا مصر

اول مابننزل المحطه بنحس بتغير رهيب في الجو, ايه العظمه دي؟

اصل التكيف مستورد من بلاد بره, احساس انك علي جنه الفردوس

ده طبعا غير السيراميك اللي علي الارضيه ولااول مابروح عشان نحجزوا التذاكر بنروح

االسويد بتاع التذاكر واول ما بندخل العمله بتطلع التذكرتين بتاعتي وبتاعه شعت

ده غير طبعا شاشات العرض واللي مكتوب فيه ميعاد القطر بتاعنا

امتي؟ يعني عظمه من الاخروعمالين يقولوا الاهمال الاهمال فعلا ده شعب حقودي

طبعا اول ما الشيالين يشوفونا انا وصحبي بالشنط يجروا علينا كاننا ولادهم

ويقولونا عنكم يا حبايبي,عمار يا مصر ساعتها بنحس اننا عايزين نبكي ونقعد نحضن

بعض احنا والشيالين وبيتصورا معانا بالكاميرا الديجتال بتاعتهم

, ايه الحنيه دي هي دي مصر ولا بلاش؟ وهي دي الاحضان الدافئه

بطوله سمير صبري وزبيده ثروت عمار يا مصر

واول مانوصل الرصيف لازم ناخد طبعا المشروب المجاني كوب كابتشينو باللبن لا واللبن ايه

لسه صابح وطبعا كمان نص فرخه ده غير الطحينه والسلطه بالهبل

,ولو عايز تاخد مانجو او شوب

فراوله برده مفيش مشاكل بس عاده بنطلب غدا عمار يا مصر

واول مايهل علينا القطر وطبعا كل واحد في مكانه وعادي جدا اصل كل واحد ليه الكرسي بتاعه

واول ما القطر يقف تلاقي بنات زي العسل دول المضيفات وواقفين علي الباب والابتسانه المشرقه

علي وجوههم ولا تسمع منهم سوي.....اتفضل في بيتك يا فندم البيت بيتك.....عمار يا مصر

وبندخل القطر اللي فيها سراير اصل السرير هناك من اسفنج عالي القيمه

المهم بندخل الغرفه هناك اول ما بندخل نلاقي طبعا جهاز الكمبيوتر وبلاي ستيشن 3 عمار يا مصر

طبعا لازم بعد ساعه من ركوبك القطار تتناول الوجبه الاساسيه وهي قطع دجاج كنتاكي

مائه وخمسون قطعه دا غيرالمشروب عمار يا مصر

نسيت اقولكم علي الاغاني الهادفه للاخت الفااضله نانسي عقرب...مش عارف ايه ملوك الجدعنه

ودي حاجه في رجلهم.....

طبعا والمطربه شيرين....مش عارف ايه برده يبقي انت اكيد اكيد في مصر.......

اللي القطر كله بسمعها دي فعلا بلدي عمار يا مصر القطر ده خلي اذني موسيقيه فعلا

دا غير السينما اللي في اخر عربيه الي بجري عليها اول ما بدخل القطر اصلي بحب السيما

طبعا ده غير الديسكو والمطاعم ولا المضيفات اللي بياخدوا التذكره حاجه تانيه عمار يا مصر

و طبعا مش بننسي نكرر مقوله الشاعر الكبير الكابتن عادل امام

الحياه حلوه للي........

فعلا شعب بيحب الكلام وخلاص شفتمتم بلد في العالم بتقدم للراكبين نص فرخه

والله حرام علي المعارضه هي الحكومه هتعمل ايه ولا ايه؟

هو انا صحيت من النوم ولا ايه؟

وده بعد ما صحيت

الحقيقه مرااااااار

يا فتاح يا عليم يا رزاق يا كريم علي الصبح

هو انا كنت بفشر وبهجس علي نفسي في الحلم ولا ايه؟

المره دي

,اول مابدخل المحطه انا وشعت بنحس اننا في دنيا تانيه بنحس بالخراب والهم ركبنا


بنحس بتغير رهيب في الجو اكنك بتتنزه في جهنم الحمره هقولكم ايه بس خراب يا مصر


بتحس انك ميت وبتتحاسب ده غير المطبات اللي جوه المحطه وعلي الرصيف


ولو لفيت حولين نفسك لحد ماتبقي دايره عمر حد ما هيقولك القطر هيطلع امتي


طبعا ميعاد القطر مظبوط ةاللي بيقولوا انه بيطلع س4 طبعا بيطلع س5


انتوا بتتكلموا في ايه؟ خراب يا مصر


مش عارف ملاحظ انا حاجه غريبه عمري ماشفت شيال في المحطه حتي يجي


يضربني ويمشي ابدا واول ما نوصل الرصيف طبعا مش بتلاقي مكان تقعد فيه اصل


القعده بتاعه القلل اللي هما عملنها لينا اكيد في ناس هاجمه عليهاولو لقيت يستحسن



انك متقعدش عشان البنطلون ميتحولش لقماشه مش مفهوم معالمها خراب يا مصر


طبعا لا انا ولا شعت نتجرا ان احنا نفكر اننا نشتري مشروب او حاجه اصل الثمن


هناك بيضربوه في ثلاثه فبلاش احسن اهو الواحد يسافر خفيف احسن عشان ميجيش



ليه كوابيس خراب يا مصر


واول ما القطار المتاخر يهل علينا تبدا اللعبه المعتاده واحد مد رجل ,اتنين مستعد,


تلاته جري ي ي ي ي ي ,ويريته اي جري دي بتبقي حلبه مصارعه ومصارعه


ثيران خراب يا مصر


طبعا يوم الحشر بيبتدي وبندخل جوه نتحاسب واللي بنعمله في الفيوم بيطلع علينا في القطر



وهتلاقي كافه انواع العذاب اللي تحبه ممكن توقف ورجليك مش علي الارض شفتم السحر ده


بس سحر اسود ناتج عن تزاحم البني ادمين خراب يا مصر


النظام جوا عالي قوي بس كل مره اقولهم وطوا التكيف وهما ولاهما هنا


اصل التكيف عندنا طبيعي من اجو اصل الشبابيك بعيد عنكم من غير زجاج



وطبعا عمر ما شفت الكهربا دخلت القطر ويا سلام لو الليل دخل عيك ساعتها بيفتحوا القطر



علي فيلم لبيت الرعب ولا تعرف تميز اللي جنبك وده طبعا كان بيحصل ي كتير


وكان بيوقعني في مواقف بااااااااااااااااايخه خراب يا مصر



بس الحق يقال القطر ده بيساهم في تقليل الكثافه السكانيه


الواحد من دول يدخل القطر بالطقم الجديد ذو الالوان البهيه يخرج وقد تحول الي


شقيق سوداني يعلوه السواد من الراس حتي القدم ومتعرفش ده صحبك ولا هو مين؟

وده طبعا بفضل عوامل التهويه والتعريه اللي بنتعرض ليها


اعتقد الصوره معبره خراب يا مصر


بس والله الحقيقه الاغاني بتملي القطار والالحان الرقيقه ومن امثالها


الفنان عبدالباسط زحلوقه....قوليلي ايه يا ميرايتي.....


ده غير العنب والبلح وكل اللي انتم عرفينه خراب يا مصر


وكل مره شعت يسالني فاضل كديه ؟


وانا اقوله يدوب عدي اربع ساعات الا ربع فاضل 10 دقايق طبعا بيكمل نومه ولا هو هنا



طبعا بننزل من القطر واحنا بنردد مقولاتت الشاعرالكبير الكابتن


عادل امام

الحياه حلوه للي............


هتصدقوا لو قلت لكم ان احيانا القطر بيقف لو حد شاور له؟ خراب يا مصر

كلمه اخيره:

اناعارف اني كنت بتكلم بهذار شويه وبتريقه شويتن

بس فعلا هي دي الحقيقه وفعلا الفساد والاستهتار

وصل للدرجه دي والحد ده وراحت

المقوله بتاعه القطر مش بيستني حد

هي حكومتنا دي مش ناويه تسترجل

شويه وتتحمل المسئوليه؟

ربنا يسترنا ويستر المسلمين جميعا باذن الواحد القهار

هسال سؤال اخير انت لو قعدت مع نفسك وفكرت في انجازات الحكومه

ممكن تديها كام من عشره؟؟؟؟؟؟؟؟

طبعا منتظر اجابتكم