طبعا اسال مجرب ولا تسال طبيب....مجرب ايه؟ مجرب انه يردد عنوان البوست
ده مئات المرات...طبعا انتم فهمتوني ,انا بقصد غرف الشات اللي ممكن اقول ان كتير
مننا دخل فيها وكانت مرحله وفي منا لسه مستمره معاه طبعا انا كنت زمان مدمن
حاجه اسمها شات ,,,لازم نقول وطبعا يفضل انك تسيب موضوع
الوقت ده بعيد شويه اصل الوقت ساعتها تلاقيه بيتسابق مع نفسه زي ميكون في
مسابقه جري طب,, بعد مده كبيره كنت بعمل شات بالساعات رجعت اسال نفسي
هو انا طلعت بايه من موضوع الشات ده؟
طبعا اول استفاده لو انت عايز وقتك يمشي وخلاص ادخل شات وسيب نفسك,,,
سيبكوا من موضوع ان الشات بينشر ثقافه او وجهه نظر هو صحيح الغرض منه كده
..ولكن النتيجه كلنا عارفينها, طبعا مش معني ان انا بدخل شات ان انا وحش لاخالص ده ممكن يكون كان
فضول وممكن فشلت في علاقاتي مع الناس اللي عايش وسطهم فبدات شوف ناس تانيه
وممكن في ناس بتدخل عشان تدور علي حاجه مش صح بس في الاخر الموضوع كان موضوع فاشل
لان ده بيخلق انسان منطوي ولا حتي بيقدر يعوض احتياجه للعلاقات في الشات بالعكس
الفشل مع علاقتك بالناس بيزيد اكتر, طبعا لازم اني اقول ان عشان الواحد يلاقي انسان محترم
لازم طبعا يعدي عليا الف واحد وحش وده اكتر ضرر لان هنا بقي ممكن تسمع كلمه تخدش
حياء اي حد وخصوصا لو بنت اتعرضت لموقف زي ده.........................
طبعا في ناس حظها حلو وناس تانيه سمعت كلام انتم عارفينه طب ليه بقي
اعرض نفسي لصدف واحتمالات ,انا في اعتقادي ان الشات ده عامل
زي ماتكون حاطط عشر كبايات ميه فيهم تسع كبايات مياه مالحه وواحده صالحه وعشان
تشرب الصالح لازم تدوق التسعه واحيانا للاسف لما توصل للعاشره بتكون اتعودت خلاص علي
طعم الميه المالحه ومش بتقدر تسيبه ده طبعا احيانا, طبعا في طرق
افضل للتعارف بين الناس وبطريقه محترمه طب ليه انا محاولش
اعمل حاجه افضل واحاول اصلح علاقتي بالناس اللي حواليا؟
انا عارف ان البوست ده صغير علي غير العاده بس كده احسن عشان محدش يمل من كتر القرايه
لو انت عايز تزيدني شرف وهتعلق عي الموضوع ده يريت حضرتك تسيب لي رايك
عن موضوع الشات وانا باذن الله هنشره في البوست اللي جااااي
هناك 6 تعليقات:
سلام عليكم
حلو التغيير ده بجد وحتى الاسم حلو اوى بدون مجاملة
موضوع الشات ده من كتر الكلام اللى فى دماغى عنه مش عارفه اكتب
بس عموما والله لو كل حد دخل الشات حط فى دماغه جملة وحده وهى
ان الله شاهدى الله ناظرى الله مطلع علي
اكيد المؤكد انه مش راح يعمل حاجة يندم عليها
فضلا ان كل واحد فى النهاية بيتعامل باخلاقه
بس بجد دخول الشات بيبقى فضول مش اكتر
مجرد تعرف حاجة غريبة عليك
وبعد كده الفضول ده بيروح لحاله
واتحدى ان كان فيه حد محترم يقدر يدخل الروم بتاع الشات اكتر من شهر اقصاااه
والجواب ديما باين من عنوانه يعنى اللى بيبتدى الشات معاك ويقول سلام عليكم غييييييييييييير اللى بيقول ممكن نتعرف ياجميل وخلافه
وفى اللحظة دى انت فى ايدك القرار
زى بالظبط الدنيا معاك الوحش والحلو وانت فى ايدك القرار
وفى النهاية هو موضوع وقتى ولا يدووم وتحدى
انا علقت على موضوع الرئاسة ده تبقى شوفه حضرتك
سلام عليكم
تعرف ان الشاتنج مش مقتصر على الرومز بس لا ده فى مواقع تانية للتعارف بس أنا ليا أصدقاء مدمنين المواقع دى ولما أسألهم ليه يقولولى بنتعرف على ناس جديدة وبنعرف ازاى كل واحد بيفكر جانى فضول إنى أدخل وأشوف ايه الحكاية بصراحة مش عجبنى الوضع تماما فى المرة الأولى عادى والتانية لكن التالتة كانت الأخيرة وبعدها حذفت حسابى نهائى واكتفيت بأصحابى اللى أعرفهم كويس ويعرفونى وكرأى الشات ده عيوبه أكتر بكتيييييييير من مميزاته فقلته أحسن
دمت بكل الخير والسعادة
بصراحه الشات ضرره اكتر من نفعه
ولو لاحظنا هنلاقى ان الشات مليان بمستويات ناس معينه كده الله يهديهم
وداخلين عشان حاجات معينه
وللاسف هما كتير وهما اللى بيكرهوا حتى الناس الكويسه انها تدخل غرف الدردشه دى
السلام عليكم
انا الحمد لله مش دخلت الشات ده الا مرتين او تلاته بالكتير اوي
اول مره حب استطلاع والباقي كنت داخله مع اصحابي نتكلم جوه وبرده كان حب ستطلاع
بس جميل اوي التشبيه بتاع 10 كوبيات
فعلا نفس الشبه
وجزاكم الله خير
موافقك جدا في الرأي
أضف إلى ذلك أن الليس بيتعود ع الشات بتتكون عنده رغبة إنعزالية عن العالم الواقعي لانه بيكون تعود على عالم الألياف الضوئية
تحياتي
انا سعيده اني اتعرفت على مدونتك
واكيد عندك حق في كل كلامك
انا الحمد لله عمري مادخلت غرف شات دي ابدا
وكل البنات الي ضفتهم كان في سابق تعارف ما غير الشات
وببصراحه الماسنجرات حتى بتجبلي اكتئاب 90% من وقتي مش بفتحهم خااااااالص
تخياتي لمواضيعك الهادفه
إرسال تعليق