مليش في الكوررررره

والله كنت ناوي اني مخليش اي بوست عندي طويل عشان محدش يمل مني ...

بس تعملوا ايه لواحد رغاااااي .....عادتي ولا هشتريها؟؟؟

ماليش في الكوره ...تصدقوا دي حاجه بايخه جدااااااااا وبتعرضني لمواقف ابوخ برده جداا
يعني الماتش كام كام يا كابتن؟؟؟

احم احم نعم؟

معلش اصل انا مليش في المكوره
تلاقى اللي بيسالني بص لي من تحت لتحت وكانه بيقولي في نفسه ايه الواد المايع ده امال راجل ازاي؟

بيحسسني اني واقف قدامه بلبانه والسلسله في رقبتي من نظرته ليا

وياسلام بقي لو حبيت اعرف مصر عملت ايه في الماتش اللي فات

يريت اللي يجاوبني يجاوبني ويسكت لا طبعا

ده لازم يدخل معايا في حوار طويل عريض وانا طبعا ساكت زي ما يكون القطه اكلت لساني

اشي ابو تركه ضيع انفراض ميتعوضتش واشي التسلل ده غبي حوارت تانيه انا مليش فيها خالص

يادي الوقعه البيضه

مش بينقذني من الموقف ده غير ان يكون معايا واحد صحبي طبعا بغمز لصحبي عشان يدور تلك المعركه الكرويه طبعا
وصحبي فطسان علي نفسه من الضحك عليا ده غير وشي اللي بيتقلب الوان الطيف

بس صراحه لما بلاقي ماتش للمنتخب بتاعنا لازم اعرف احنا عملنا ايه بس طبعا لازم اعرف من واحد صحبي عارف ااني
مش مثقف في الكوره عشان الاحراج

طب ليه مش بحب الكوره بلاش احكي الحكايه اصل الحكايه طويله اووووووي

طب هي الكوره حرام؟؟؟؟؟
حرام ايه دي رياضه
بس اللي احنا بنعمله ده والله اللي حرام ومحدش يرضي بيه

طبعا كويس ان الواحد يكون رياضي ويحب الرياضه ويحب الكوره وايه يعني الضرر في ده؟
طبعا الكوره حلوه والسينما بالنسبه لي احلي بس في اولويات غير دي لازم اننا ناخد بالنا منها

خلونا في الماتش اللي انتهي بخساره مصر وده طبعا والحمد لله ان ده حصل

الا الموضوع يتقلب صهاينه العرب وفلسطين
وتبتدي الانتفاضه العربيه الجزائريه
والا كنا قولنا الله يرحم المصريين اللي الجزائر
وكانت قامت حرب بينا وبين الجزائر بس احنا اللي كا هننتصرباذن الله
هو ليه الوضع اتقلب كده وزاد عن حده وبقينا في حرب؟؟؟؟

اشي السكاكين تترفع في وش بعض واشي الاتهامات الزور

فكرتوني لما الرئيس صدام اتشنق اول ايام عيد الاضحي طبعا كان خروف المسلمين

ويا سلام لما كل العرب مسلمبن ومسيحين قاموا وثاروا واحتجوا وقاطعوا وعارضوا وحاربوا كمان فعلا وقفات جامده

ولا لما الرئيس عرفات كان محبوس في بيته ومات برده وهو محبوس

يا سلام لما العرب قاموا كلهم كده وثاروا واحتجوا وقاطعوا وعارضوا وحاربوا كمان

لحد ما خدنا حقنا

ويا سلام لما مجزره غزه حصلت دي بقي اللي عملنا فيها العمايل كل العرب مسلمبن ومسيحين قاموا وثاروا

واحتجوا وقاطعوا وعارضوا وحاربوا كمان والعرب كلهم راحوا فلسطين وادينا لليهود علقه موووت

وطلعناهم من فلسطين
ولا لما عباره السلام غرقت ولاقصر الثقافه في بني سويف ولع علي اللي فيه
ايه ايه ده انتم هتصدقوا ولا ايه؟
صحوا النوم دي مش مسلسل تاريخي
والله حاجه تحرق الدم لما نكتشف اصلا ان مفيش حاجه اسمها عروبه ولا بلدك التاني ولااي حاجه اصلا

لما كانت اللعبه قلبت جد ده ايه الكرهه والسواد ده كله؟؟؟وبنزعل اوووي لما الغرب يقولوا علينا ارهاب وهمج

طب لما يشوفوا الجزائر بيحاربوا المصرين في فرنسا وغيرها عايزين يقولوا ايه عنا؟

انت اصلا لو شفت حد بيعمل كده هتلعنه وهتلعن اهلله

وبنقول للغرب شوفونا صح وافهمونا لا يريت ميفهموناش احسن لنا

انتظروا ان شاء الله الحرب علي اسرائيل من العرب يوم التلات بعد صلاه الجمعه

كلنا هنروح باذن الله نطلع اليهود بره ارضنا وبعد كده نطلع علي بيت من بيوت العرب

ناكل هناك فطير مشلتت وعسل ازرق

طبعا انا مش هتكلم عن اللي حصل من الاخوه الاحباء الجزائر اكتر من كده عن اللي عملوه فينا

وفي نفسيهم وفي العرب ما كلكم عارفين وشايفين ماخلاص رفعنا السكاكين في وش بعض

انتظرينا يا غزه

والله لو الثوره اللي حصلت دي كانت حصلت في وش اليهود

كان العالم كله عملوا لينا حساب الكبير قبل الصغير ومكناش نبقي رخاص كده
بس احنا اللي رخصنا نفسينا
حاجه صغيره احب اقولها
لما الجزائر اتغلبت طلعت السواد اللي جواها ولما احنا اتغلبنا قلنا قدر الله وما شاء فعل
هو ده الفرق

وبنزعل اووي لما يقولوا علينا ارهاب

ممكن نتعرف؟ .....لا مش ممكن

تكمله للبوست اللي قبل اللي فات واللي انا عارف اني اتاخرت كتير في الرد

معلش بقي ازمه امتحانات ......

في البوست بتاع ...هاي ممكن نتعرف؟.....انا مردتش علي التعليقات

لاني معنديش رد اقوله بعد اراء الناس دي

يريت الكاريكتير يعجبكم

اندلسيه:

سلام عليكم

موضوع الشات ده من كتر الكلام اللى فى دماغى عنه مش عارفه اكتب

بس عموما والله لو كل حد دخل الشات حط فى دماغه جملة وحده وهى

ان الله شاهدى الله ناظرى الله مطلع علي

اكيد المؤكد انه مش راح يعمل حاجة يندم عليها

فضلا ان كل واحد فى النهاية بيتعامل باخلاقه

بس بجد دخول الشات بيبقى فضول مش اكتر

مجرد تعرف حاجة غريبة عليك

وبعد كده الفضول ده بيروح لحاله

واتحدى ان كان فيه حد محترم يقدر يدخل الروم بتاع الشات اكتر من شهر اقصاااه

والجواب ديما باين من عنوانه يعنى اللى بيبتدى الشات معاك ويقول سلام عليكم غييييييييييييير

اللى بيقول ممكن نتعرف ياجميل وخلافه




وفى اللحظة دى انت فى ايدك القرار

زى بالظبط الدنيا معاك الوحش والحلو وانت فى ايدك القرار

وفى النهاية هو موضوع وقتى ولا يدووم وتحدى


سلام عليكم

joudy:

تعرف ان الشاتنج مش مقتصر على الرومز بس لا ده فى مواقع تانية


للتعارف بس أنا ليا أصدقاء مدمنين المواقع دى ولما أسألهم ليه يقولولى بنتعرف على ناس

جديدة وبنعرف

ازاى كل واحد بيفكر جانى فضول إنى أدخل وأشوف ايه الحكاية بصراحة مش عجبنى

الوضع تماما فى

المرة الأولى عادى والتانية لكن التالتة كانت الأخيرة وبعدها حذفت حسابى نهائى واكتفيت بأصحابى اللى


أعرفهم كويس ويعرفونى وكرأى الشات ده عيوبه أكتر بكتيييييييير من مميزاته فقلته أحسن

ريمان:

بصراحه الشات ضرره اكتر من نفعه


ولو لاحظنا هنلاقى ان الشات مليان بمستويات ناس معينه كده الله يهديهم

وداخلين عشان حاجات معينه

وللاسف هما كتير وهما اللى بيكرهوا حتى الناس الكويسه انها تدخل غرف الدردشه دى

سجود:

السلام عليكم

انا الحمد لله مش دخلت الشات ده الا مرتين او تلاته بالكتير اوي

اول مره حب استطلاع والباقي كنت داخله مع اصحابي نتكلم جوه وبرده كان حب ستطلاع

بس جميل اوي التشبيه بتاع 10 كوبيات

فعلا نفس الشبه

وجزاكم الله خير

michel:

موافقك جدا في الرأي

أضف إلى ذلك أن الليس بيتعود ع الشات بتتكون عنده رغبة إنعزالية

عن العالم الواقعي لانه بيكون تعود على عالم الألياف الضوئية

حنان سعيد:

انا سعيده اني اتعرفت على مدونتك

واكيد عندك حق في كل كلامك

انا الحمد لله عمري مادخلت غرف شات دي ابدا

وكل البنات الي ضفتهم كان في سابق تعارف ما غير الشات

وببصراحه الماسنجرات حتى بتجبلي اكتئاب 90% من وقتي مش بفتحهم خااااااالص

تخياتي لمواضيعك الهادفه

اخيراااااااا

يارب اكون اول واحد تعرفوا منه الخبر ده

.

والبوست ده كان هيبقي تكمله للبوست اللي فات بس البوست ده اهم وبعدين نبقي نكمل

.

البوست الللي جااااي

.

حكمت المحكمة الألمانية في برلين عصر اليوم الأربعاء بالحكم بالسجن مدي

.

الحياة علي قاتل المصرية الشهيدة مروه

.

الشربيني بالسجن مدي الحياة .وكان المتهم "أليكس فاينز " -28عاما-

.

قد قتل الشهيدة مروه الشربيني في إحدي

.

ساحات محاكم ألمانيا أثناء جلسة استئناف حكمٍ صدر في حقه بعد إدانته بتهمة توجي

.

ه شتائم عنصرية للشهدة مروه

.

الشربيني.

وقد انهال "أليكس فاينز " على الشهيدة مروة التي كانت في الحادية والثلاثين

.

من عمرها وكانت حاملا في شهره

.

الخامس، طعنا بسكين وعندما هب زوجها لنجدتها انهال عليه طعنا وألحق به إصابات خطيرة،

.

أمام طفلهما الذي كان في

.

المحكمة.وقد أقر المتهم في جلسه سابقة بأن كراهيته للمسلمين وراء ارتكابه الجريمة

.

زوج الشهيده

و قد وصف علوي عكاز،زوج الشهيدة مروة الشربيني في جلسه سابقة كيف

.

أن المتهم طعن زوجته الحامل 16 طعنة

.

في ثلاث دقائق، وكيف واصل طعنها حتى بعد أن سقطت أرضا.وقال عكاز إنه سعى جاهد

.

ا لحماية زوجته عندما تعرضت

.

للهجوم، "لكن المهاجم واصل طعنها حتى بعد أن كانت قد طُرحت أرضا."ووصف عكاز

.

للمحكمة كيف أن "القاتل" طعنه

.

هو أيضا عندما حاول حماية زوجته، وكيف تعرض للإصابة بطلق ناري

.

في ساقه عندما أطلق عليه حارس الأمن في

.

المحكمة النار خطأ، ظنا منه بأنه هو المهاجم.و ينتمي المتهم الألماني " أليكس فاينز "

.

الى الاقلية الالمانية التي تنحدر

.

من الأورال في روسيا ويبلغ من العمر 28 عاما.الجدير بالذكر إن المحكمة قد طبقت

.

أقصي درجات العقوبة علي المتهم

.

،

حيث أن القانون الألماني قد ألغي عقوبة الإعدام في حق المجرمين .

.

منقول

.

هااااااي....ممكن نتعرف؟؟؟

طبعا اسال مجرب ولا تسال طبيب....مجرب ايه؟ مجرب انه يردد عنوان البوست

ده مئات المرات...طبعا انتم فهمتوني ,انا بقصد غرف الشات اللي ممكن اقول ان كتير

مننا دخل فيها وكانت مرحله وفي منا لسه مستمره معاه طبعا انا كنت زمان مدمن

حاجه اسمها شات ,,,لازم نقول وطبعا يفضل انك تسيب موضوع

الوقت ده بعيد شويه اصل الوقت ساعتها تلاقيه بيتسابق مع نفسه زي ميكون في

مسابقه جري طب,, بعد مده كبيره كنت بعمل شات بالساعات رجعت اسال نفسي

هو انا طلعت بايه من موضوع الشات ده؟

طبعا اول استفاده لو انت عايز وقتك يمشي وخلاص ادخل شات وسيب نفسك,,,

سيبكوا من موضوع ان الشات بينشر ثقافه او وجهه نظر هو صحيح الغرض منه كده

..ولكن النتيجه كلنا عارفينها, طبعا مش معني ان انا بدخل شات ان انا وحش لاخالص ده ممكن يكون كان

فضول وممكن فشلت في علاقاتي مع الناس اللي عايش وسطهم فبدات شوف ناس تانيه

وممكن في ناس بتدخل عشان تدور علي حاجه مش صح بس في الاخر الموضوع كان موضوع فاشل

لان ده بيخلق انسان منطوي ولا حتي بيقدر يعوض احتياجه للعلاقات في الشات بالعكس

الفشل مع علاقتك بالناس بيزيد اكتر, طبعا لازم اني اقول ان عشان الواحد يلاقي انسان محترم

لازم طبعا يعدي عليا الف واحد وحش وده اكتر ضرر لان هنا بقي ممكن تسمع كلمه تخدش

حياء اي حد وخصوصا لو بنت اتعرضت لموقف زي ده.........................

طبعا في ناس حظها حلو وناس تانيه سمعت كلام انتم عارفينه طب ليه بقي

اعرض نفسي لصدف واحتمالات ,انا في اعتقادي ان الشات ده عامل

زي ماتكون حاطط عشر كبايات ميه فيهم تسع كبايات مياه مالحه وواحده صالحه وعشان

تشرب الصالح لازم تدوق التسعه واحيانا للاسف لما توصل للعاشره بتكون اتعودت خلاص علي

طعم الميه المالحه ومش بتقدر تسيبه ده طبعا احيانا, طبعا في طرق

افضل للتعارف بين الناس وبطريقه محترمه طب ليه انا محاولش

اعمل حاجه افضل واحاول اصلح علاقتي بالناس اللي حواليا؟

انا عارف ان البوست ده صغير علي غير العاده بس كده احسن عشان محدش يمل من كتر القرايه

لو انت عايز تزيدني شرف وهتعلق عي الموضوع ده يريت حضرتك تسيب لي رايك

عن موضوع الشات وانا باذن الله هنشره في البوست اللي جااااي