طريقه عمل الملوخيه ؟؟

طريقه عمل الملوخيه

هو انا في الاول كنت ناوي اني اكتب بس عن السيما والافلام والنقد وكده

يعني بس مش عارف اقولكم ايه خلاني اغير رايي ولا لا؟

خلاص هقولكم امال انا جايبكم ليه؟

اصلي انا النهارده فطرت (اصمله علي مقامك) طبق ملوخيه بس ملوخيه كانت

يا خساره مسقطه

وكل ما اقلبها ترجع تسقط تاني

طب ايه علاقه الملوخيه بالموضوع ؟؟؟؟

لقيت اخويا بيقولي يريت الملوخيه دلوقتي هي اللي مسقطه دا احنا حياتنا

كلها بقت مسقطه

معلش اصل اخويا ده متشائم حبتين!!!!!!!

ساعتها افتكرت واحد من اعز اصحابي طبق الملوخيه بتاعه سقط هو كمان

, قصدي حظه هو اللي

سقط لما بس حاول مجرد محاوله انه يقدم حربيه

ساعتها حسيت ان مهم برده اني اكتب عن وصفه الملوخيه في بلدنا

صحبي الامور ده كان نفسه اوووي انه يدخل حربيه او شرطه وفعلا قدم فيها

ودخل فعلا الكشف الطبي طبعا مكنش هو لوحده دا دفعتنا بحالها دخلت وقدمت ماعد

ا انا طبعا لاني بحب ااكل ملوخيه

وعارف برده ان الملوخيه في بلدنا نزلوا قرار من زماااااااااااااان اووووي انها تبقي

مسقطه

طبعا عارفين طبعا يعني ايه مسقطه يعني الملوخيه تبقي طبقتين الطبقه اللي تحت فيها

الخضار وهي الاهم (دي اللي هيا احنا ) والطبقه اللي فوق اللي فيها السائل (اللي هي مش احنا

خالص قصدي طبقه ولاد الناس)

ولو عملت فيها مصلح طبق الملوخيه وقعدت تخلط طبقتين الشعب قصدي ا لطبقيتين بتوع

الملوخيه بعزم قوتك برده هترجع زي ماكانت غصب عنك عشان الطبخه انطبخت غلط من

الاساس

معلش طلعت برده الحربيه والشرطه اصلي جعان شويتين قصدي تلاته............

بعد ما صحبي قدم ودخل الكشف الطبي ده وانا متاكد ان هو مش هيعدي اصله بعيد عنكم

مكنش

معاه لا واسطه ولا فلوس زي بقيت حال الدفعه بتاعتنا من الاخر, اي نعم في بعض منهم كان

معاه واسطه

بس كانت عاديه يعني ناس في مجلس الشعب او الشوري مثلا

دلوقت عشان تيقي طالب كليه شرطه اصمله لازم ابوك يكون لواء ولا عميد ولا حتي

وزير

لاوشوفتم درجه العدل ممكن برده يبقي عمك او خالك لواء ولا عميد ولا وزير يعني حد

من عيلتكم

وخلاص

طب يا ولاد ال...... احنا نروح فين مدام قسمتم البلد علي حساب ولادكم ومعارفكم طب لما يكون

واحد ابوه لواء ولا عميد دخل وبقي برده ظابط هيحس ازاي بولاد ال.......اللي زييناا

وبالطريقه دي ماختلافناش عن التوريث في الحكم بالعكس دا احنا انيل

لما اللي المفروض انه يجيب لينا حقنا مش مننا مدقش الذل ولا عرف يعني ايه ناس نفسها

تعيش بس مسطوره خايفه من بكره ومقهوره علي امبارح ومش عارفه تعدي النهارده

يبقي هيجيب لينا حقنا ازااااااااااي اصله برده قاعد في طبق الملوخيه بس في الطبقه اللي

فوق

ومهما اتقلب بيرجع تاني فوق بس فوقيا احنا

هقولك علي حاجه ضحكتني وزعلتي برده

سمعت واحد باع ارضه عشان يدفع فلوس لواحد مسئول ويدخل ابنه شرطه

والحمد لله الراجل دفع 200 الف جنيه وابنه دخل ياتري اول كلمه تتوقعوها من الاب لابنه بعد

مانجح

قاله بفرحه انا عايزك اول ما تتخرج تجمع لي الفلوس اللي دفعتها فيك في ظرف سنه

واحده.............. ,ولكم التعليق..................

نسيت اقولكم ان لاصحبي ده دخل حربيه ولاهو ولا اي حد من دفعتنا وراح للماما بتاعته

ووكلته ملوخيه

سوال اخير عايز اساله ليكم زماااااان اوووي (اللي معشتهوش اصلا) كانوا بيقولوا ان

ولاد الناس

هما الولاد الطيبين المحترمين ذو الاصل الطيب تفتكروا دول هما برده ولاد الناس بتوع دلوقت؟؟؟؟

وطبعا النظام في مصر الحمد لله اتحسن وبقي انيل وولادها بقوا طبقتين

الاولي طبقه ولاد الناس والتانيه طبقه ولاد ال(......)

اوعوا بس حد يتشائم من اللي انا قلته ده لان مهما كان الوضع عايز يتغير برده

في امل كبير اووي وبرده في حاجات حلوه وبرده الحياه فيها حاجات كتيره حلوه

بس اكيدطبق الملوخيه هيترمي من علي السفره ونعمل طبق غيره واحنا اللي نطبخه بايدنا احنااا

والله العظيم اخر حاجه ومش هتكلم تاني هسالكم كمان سئوال شفته اتسالته قبل كده

لو جاتلك الفرصة انك تشيل النسر اللى على علم مصر يا ترى هتحط ايه ؟

متنظر اجابتكم

هي فوضي؟

هي فوضي؟

اوعي حد فيكم اول ما يشوف البوستر يقول بدانا المسخره اهه !!!!

ما تخافوش

هوانا منكرش ان الفيلم فيه طبعا شويه مسخره مكنش ليها لازمه

ودا من عيوب الفيلم بس خلونا نبدا الاول بس من البدايه

بصفتي واحد عادي جدا ولم ادرس فنون السينما اكيد هيكون نقدي

وجهه نظر بس يارب تعجبكم

اول حاجه اقدر اقولها انا عاجبني قوي البوستر بتاع الفيلم لو

تركزوا بس شويه في البوستر طبعا اللي ظاهر مش البطل اللي ظاهر

هي البدله بتاعه الظابط واللي المدلول بتاعها باين من المسدس في ايده

وطبعا داغير الزعر والشغب اللي قدامه بس اللي عجبني او في البوستر

هو السلك بتاع السجون ده اللي بين شخصيه البطل وبين الشعب لو

تركزوا هتشوفوه واللي اعتقد انه بيعبر عن اننا مساجين

لما عرفت ان يوسف شاهين هيعمل فيلم عن فوضي الحكومه في مصر ساعتها قلت

ان واحد زي يوسف شاهين اكيد هيعمل حاجات كتير اوووي

بس انا زهلت لما شوفت الفيلم لقيته زي انه ماجاب الوحش برده جاب الكويس وده شيئ

يحسب له يعني مخلهاش سواد في سواد زي الواحد ما تصور ,ولو شفتوا الفيلم هتعرفوا

ان الحكومه مش كلها فوضي وهمجيه وهو بذكائه قسمه لجزئين

الاول اللي بيعبر عن الهمجيه كان في امين الشرطه(حاتم)

والتاني اللي بيعبر عن الجزء اللي فيه امل واللي فيه منه موجود فعلا هو الظابط (شريف)

وهنا كان الصراع

واكيد برده شفتم الظلم وصل لحد فين وازاي امين الشرطه (حاتم )كان بيسيطر علي الناس

ازاااااي

سمعت من احد الاعلامين في مصر ووهو الاعلامي وائل عبدالله كان وده واحد من المناصرين

لراي ان الحكومه ظالمه,كان بيقول انالفيلم لم يعرض اي حاجه عن الظلم لان كان في جانب

كويس وده ظهر في الظابط شريف وان لما البطله اغتصبت كانت الجهات االحكوميه

بتساعدهم عشان يوصلوا للفاعل

بس فعلا ده موجود وزي الظلم ما اخد حقه وسيطر وانتشر بس برده في جهات ممكن تكون

بتادي جزء من عملها وان كان جزء مش كل

بس فعلا الظلم انتشر وسيطر علي الناس والخوف اصبح ماليهم من كلمه حكومه

بقينا دلوقتي نشوف في زي المسئول وحش مستخبي وراا زيه مابيصدق يلاقي فرصه

عشان ينقض علي الفريسه اللي مفيش اسهل منها دلوقت اللي هو احنا ربنا معانا علي

الوحوش

ونرجع للفيلم تاني ونقول اكيد كانت فيه عيوب طبعا انا بس نفسي افهم لي

ه كانت الراقصه (صفوه) دي موجوده وايه لازمه مشاهدها

بس اكيد المنتج او المخرج زي ماهو عمل قصه حلوه برده عايز يعمل مناظر عشان

الايرادات تزيد والاقبال يستمر وهو ده عيبه انا نفس اعرف لو كان هو قص مشاهد الراقصه

صفوه او محطهاش من الاساس كان هيغرم ايه وده اللي خلي الفيلم فيه نقط سودااااا

سيبكوا من النقطه دي عشان بتفور اعصابي

المهم شفتوا الفيلم انتهي ازاي؟؟؟ انتهي بحدوث ثوره من الناس مسلم ومسيحي لما

انقضوا علي قسم الشرطه عشان يطلعوا ولادهم اللي موجودين هناك

اعتقد انه بيقول لينا ان مصيرنا في ايدينا وان احنا مش هنتغير غير لو احنا اللي غيرنا

مصيرنا ده

المشاهد اللي عجبتني!!!!!!!!!!!!!!!!

ا-اول مشهد لما كانت ام البطله بتتخانق مع حاتم امين الشرطه كانت ضعيفه ومش قادره عليه

بس لما شافت بنتها حاولت انها تظهر قدام بنتها كانها قويهوتعرف تاخد حقها علشان

تطمنها اعتقد ان ده مشهد حلو

2-تاني مشهد لما كان حاتم امين الشرطه قاعد في القهوه بياكل (حوواوشي) والناس

جايا عشان تقضي مصاليحها طبعا كان الموضوع سلم فلوس تستلم مصلحتك

3-تالت مشهد اثناء جري الناس وراا حاتم اعتقد ان المخرج بيقول ان ده الحل

انا خايف اقول ليكم سمعت الفيلم ده كام مره من ساعه ما اتعرض الا تقولوا انا فاضي

في النهايه احب اقول لكم ان عمر السينما ماكانت بتحل مشكله هي بس بتعرض مشكله

وممكن تعرض الحلول بس هي مش بتحل مشكله

بس طبعا لازم اقول ان القصه عاديه بس الاخراج مميز جداااا بس النقطه السودا

في الفيلم ده اكيد انتم عارفينها

ايه يا كبيييييييييره؟؟؟؟؟؟؟

مش لاقي كلام اوصفك بيه يا جبااااااره

اقرا ولن تندم !!!!

لا اله الا انت سبحانك انى كنت من الظالمين

رب أنى ظلمت نفسى فاغفر لى,انه لا يغفر الذنوب الا انت

رب أنى ظلمت نفسى و الا تغفر لى و ترحمنى لأكونن من الخاسرين.

رب لا تذرنى فردا و أنت خير الوارثين

اللهم أجعلنا من الذين يستمعون القول فيتبعون أحسنه

- ربنا لا تجعلنا فتنة للذين كفروا و اغفر لنا ربنا انك أنت العزيز الحكيم

-اللهم آتنا فى الدنيا حسنة و فى الاخرة حسنة و قنا عذاب النار

- اللهم أغفر لوالدى و ارحمهما كما ربيانى صغيرا

ربنا آتنا ثواب الدنيا و حسن ثواب الآخرة

- ربنا أفرغ علينا صبرا و توفنا مسلمين , و ألحقنا بالصالحين

ربنا اغفر لى و لوالدى و للمؤمنين يوم يقوم الحساب

اللهم انك عفو كريم تحب العفو فاعف عنا

اللهم عافنا و اعف عنا فى الدنيا و الآخرة

- اللهم أكلأنا بعنايتك و رعايتك , و أدخلنا فى ستورك الحصينة و كفالتك الأمينة